قالك مره في راجل ماشي بالسياره هو ومرته وشادها سبيد في الطريق
فجاة الراجل كحل للمراية لو انه شرطي مرور يلحق فيهم وايأشر باش ايدرس الراجل لانه كان يجري
وقف الرجال سيارته
وجاه الشرطي
وسأل الراجل الشرطي: تفضل شن المشكله عمو ؟
الشرطي جاوب :انت تجري فوق ال180 يا شاب
والسرعة القانونية في الطريق هادي
لا تتعدى 60كلم في الساعة وحنعطيك مخالفة لهالسبب .
الراجل قاله : لاسامحني يا عمو اني فتت ال60 بشوييييييي.
زوجه الراجل قالت : لاإنت كنت شادها طبق على الاقل 160 .
(( اتلفت لراجل لي مرته وركلها شبحه حزينه *_* .))
الشرطي قاله : وبنزيدك مخالفة ع الضي التالاني لانه مكسور .
الرا جل قال : مكسور ؟؟ أني ماكنتش نندري أنه مكسور .
الزوجة قالت : أووه إنت كنت عارف ع
اللامبه إنها مكسورة من اسابيع فاتو.
(( وزادها شبحة تانية وعض سنونه وقلها سكري فمك خيرلك . ))
الشرطي قال : وبنزيدك ورقة مخالفة لانك مش رابط الحزام .
الراجل قال: إيه أني فكيته لما وقفتني قبل شويه.
الزوجة قالت: لالالاأنت ماعمرك ربطت حزام الامان أصلاً
التفت الزوج لي زوجته وعيط عليها وقلها
انتي ماتعرفيش اضمي فمك بكل؟؟
سأل الشرطي الزوجة : لو سمحتي هو ديما ايكشخ عليك ؟؟
الزوجة : لا لا مش ديمه الا لما يكون سكران .
قال الشرطي : سكران ؟ !!
قال الراجل : لا لا متصدقهاش تخرط ..
قالت المرا لي الشرطي: هو اللي يخرط احني القينا السكير في السياره لما خنبناها
قال الشرطي : يعني السيارة مخنوبه .
قال الراجل : شنو مخنوبه الله يهديك ؟مدورهاش مرتي اليوم مريضة
وتلفت لي مرته وقلها
متخلينيش انطلقك بالتلاته قدام الشرطي....
قال الشرطي للمرا : زوجك هذا ديمه ايهدد فيك بالطلاق ؟.
قالت المرا :
تي غر يتزوجني قبل وبعدها يتكلم في الطلاق
وبس
موضوع: قصة البنت الغبية 
الخميس أكتوبر 17, 2013 8:20 am
